اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

alav
«فضولی» غزلینه تضمین
احمد شایا (آلاو)

گول اُوجونداندیر هزارین بونجا شور و دادی وار
“حافظ”ین (باد مُصلّا، آبِ رُکن آباد)ی وار
زاهدین جنّت اومیدیله باشیندا بادی وار
“منده مجنوندان فزون عاشیقلیک استعدادی وار
عاشیقِ صادق منم مجنونون آنجاق آدی وار”

بعضیلر سئومیش ازلدن باده و جام و خُمی
یاندیریب بعضیلرین عشق و محبت هئیزومی
کول ائدیب بیر کوتله‌نی، هیجر و فراقین کَژدُمی
“نولا قان تؤکمکده ماهیر اولسا چشمِ مردمی
نطفه‌ی قابلدیر او غمزن کیمی اوستادی وار”

شور مئی خُم ایچره سالمیشدیر عجب بیر غُلغُله
نرگسِ شهلا گؤزون مخمور ائدیردی سونبوله
بولبول آچمیش داستانِ عشقی سؤیلوردو گوله
“اهل تمکینم، منی بنزتمه ای گول بولبوله
درده یوخ صبری اونون هرلحظه مین فریادی وار”

چون قیزاریب، تاپدانیر، ساده دمیر ، پولاد اولور
عرصه‌ی نر- تختِ عشقی طی ائدن نرّاد اولور
قیل محبتله نظر، قلبیم ائوی برباد اولور
“اؤیله بدحالم کی، احوالیم گؤرنده شاد اولور
هرکیمین کی،دؤور جوروندان دلی ناشادی وار”

اودلانیر قلبیم، یانیر هردَم جفایِ عشقده
دورموشام داغلار کیمی عهد و وفای عشقده
گوللنیر قلبیم باغی آب و هوای عشقده
“گزمه ای کؤنلوم قوشو غافیل فضای عشقده
کیم بو صحرانین گذرگاهیندا چوخ صیّادی وار”

عشقیمین آوازه‌سی اولموش داها دونیا شمول
وار یقینیم کی، چاتارسان آرزونا، اولما عجول
وصلِ جانانه وورولموشدور “آلاو”، مؤهرِ حصول
“ای فضولی! عشق منع- ین قیلما ناصحدن قبول
عقل تدبیری‌دیر او، سانما کی، بیر بنیادی وار “

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *