بوگون چهارشنبه 25 فروردین 1400 ساعات 18:37
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

محمد نوری
بو باهاری اینینه سرسم
محمد نوری

بو باهاری أینینه سرسم
قوپار کؤینگیندن قوپار یازی‌لاریم
آل یاناقلارینا شافاق تارلاسی سرسم
پنجره سرسم
سنی سرسم، چکسم پرده‌نی
دیوان اوتاغین قافیه‌سینده اوتورونجا
دووارلاردان فوتولارینی سویوب واراقلانیرام

سوزولموش غزللردیر یاناجیق‌لاریندا؛
سورموش کیمی دیلیم
یانار یانغینلیغیم
دول ایچیمه ایچیمه ایچدیر ایلغیم‌لیغینی
خییابان‌لارین آرخیوینده
بوتون درینی- دایازینی اوزه‌رک
بو یول اوسته دوران آدام‌لار
آراز موتلوسو دییه؛
آخار سئویشمه‌لرین قایناغی‌دیر چئوریلمیش چئوره‌لرین
چیلپاق سئوگیلیسی

بیلیرمی سن؟
اینقلاب منده
ایمگه‌لی، ایلمانق، اندامینین تئرمین‌لرینه سارغین
تئللرینده
کولک توپلومودور
و کوللنمیش ساچلارین داغینیق عسگرلردی

آفتوبوس‌لارین پنجره پایلاشماسیندا
اوتاغیم یازی‌لارین سویونور
شهرین بوش دوراقلارینا
دلی‌دیر بو آدام
الی سیلاحلی یالقیزلیغینی پایلاشیر تاکسی‌لره
الی سیلاحلی کاردینال‌لارین قودساللیغیندا ایک گوناه‌دیر
الینی توتماق
بیلیرسن
بلکه ده تانرینین الی وار بو ال یازمالاردا
نارگیلم
دول ایچیمه ایچین ایچین مورفم‌لرین نسنل ایچگیسی بو جاملارا… جانیم!
بو دئوریم آیاق‌لارینا اوتورموش دیوان…دئدین؛
-همیشه سنله علاقه ساخلاماق اولمور!
اوتوروب بیر فینجان جانینجا
دانیش منیم‌له
دیندیر منی!
سوی پنجره‌لری
سوی میصراع‌لارین پالتارینی
میصیر اهرامی، دوشلرینین حرمیندن حلول ائتسین
سوی
-سوی آدین‌لا آدلاندیریم سوی قیریمین
قیرمیزی چیچکدین، نه دین؟
نه دیندین!
نه چکدین؟! بیلمه‌دیم
ایچیم ایچیم بوغازیمدا اوتاغی
آغی
آغیت پرده‌لری چکدین
بیلمه‌دیم
چیچکدین …
نه دین؟!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *