چئویرن: ایشیق
ترجمه: ایشیق
ایشیق

sahand
ای مقدس مسکنیم، ای شانلی آذربایجان!
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.
***

من دئمیرم اوستون نژاددانام من،
دئمیرم ائللریم ائللردن باشدیر.
منیم مسلکیمده، منیم یولومدا
ملت‌لر هامیسی دوستدور، قارداشدیر.

چاپماق ایسته‌میرم من هئچ میللتی
نه دیلین، نه یوردون ،نه ده امه‌گین.
تحقیر ائله‌میرم، هده‌له‌میرم
کئچمیشین، ایندیسین، یا گله‌جه‌گین.

من آییرمیرام، آیری سالمیرام
قارداشی قارداشدان، آروادی اردن.
آنانی بالادان، اتی دیرناقدان
اوره‌گی اوره کدن، قانادی پردن.

پوزماق ایسته‌میرم من بیرلیکلری،
اینسانلیق بیرلیگی ایده‌آلیم‌دیر.
قارداشلیق، یولداشلیق، ادبی باریش
دونیادا ان بؤیوک آرزولاریم‌دیر.

آنجاق بیرسؤزوم وار، من ده اینسانام،
دیلیم وار،خلقیم وار،یوردوم، یووام وار.
یئردن چیخمامیشام گؤبه‌لک کیمی،
آدامام، حقیم وار،ائلیم، اوبام وار.

قول یارانمامیشام، یاراناندا من
هئچ کسه اولمارام، نه قول، نه اسیر.
قورتولوش عصری‌دیر اینسانا بو عصر
اسیر اولانلاردا بوخوون کسیر.

 

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من دئمیرم … / بولود قره‌چورلو «سهند»(۱۳۵۸-۱۳۰۵)

ایشیق
www.ishiq.net

آذربایجان ادبیات و اینجه‌صنعت سایتی

من دئمیرم … / بولود قره‌چورلو «سهند»(۱۳۵۸-۱۳۰۵)

ایشیق
www.ishiq.net

آذربایجان ادبیات و اینجه‌صنعت سایتی

من دئمیرم … / بولود قره‌چورلو «سهند»(۱۳۵۸-۱۳۰۵)

ایشیق
www.ishiq.net

آذربایجان ادبیات و اینجه‌صنعت سایتی