چئویرن: ایشیق
ترجمه: ایشیق
ایشیق
00:00
00:00

ای مقدس مسکنیم، ای شانلی آذربایجان!
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.
***
muzeffer derafshi

ای اولان جوشغون اوره‌کلر قانی آذربایجان!
قلب‌لر دریاسی‌نین طوفانی آذربایجان!
ای اولان شئرلر مکانی، قهرمانلار مسکنی،
بسله‌ین قوینوندا ستارخانی آذربایجان!
ای قیلان ناحقه قارشی قهریلن دائم قیام،
قالدیران ظالیملره عصیانی آذربایجان!
ای کئچن حقین یولوندا باش و جانیندان مدام،
ذکر اولان دیللرده دائم شانی آذربایجان!
ای رشادت منبعی، آزاده‌لیک سرچشمه‌سی،
عزت و شان و شرف میدانی آذربایجان!
کئچمیشینده ای بؤیوک سیمالاری اظهار ائده‌ن،
کسب ائده‌ن عالمده خوش عنوانی آذربایجان!
یاد اولان حؤرمتله ایسمی صفحه‌ی تاریخده،
بحر حیرتده قویان دونیانی آذربایجان!
دفترینده ثبت اولان هر بیر شهیدین قانیله-
غضبکارین قتلی‌نین فرمانی آذربایجان!
افتخار ائیله جهاندا، افتخارایله یاشا،
ای بؤیوک آزادلیغین قوربانی آذربایجان!

چاپ

دیدگاهتان را بنویسید

نشانی ایمیل شما منتشر نخواهد شد.

آذربایجان / مظفر درفشی(۱۳۹۳-۱۳۰۳)

ایشیق
www.ishiq.net

آذربایجان ادبیات و اینجه‌صنعت سایتی

آذربایجان / مظفر درفشی(۱۳۹۳-۱۳۰۳)

ایشیق
www.ishiq.net

آذربایجان ادبیات و اینجه‌صنعت سایتی

آذربایجان / مظفر درفشی(۱۳۹۳-۱۳۰۳)

ایشیق
www.ishiq.net

آذربایجان ادبیات و اینجه‌صنعت سایتی