ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

م ج
آغ کؤینکلیم
معصوم جبارپور

توپراق سیزیلتیمدان بئزمیش،
جانسیزلار!
ائشیدیرسن می؟
آغ کؤینکلیم
یوخلوغون بیر وحشی قافلان کیمی
اوره‌ییمی بوجاق- بوجاق چئینه‌ییر
بای- بای قورتولورام
کیم سئوگیمیزی یاساقالادی!؟
توتساقلاندیغیمی کئشکه سیله‌یدی
یالانچی رئال دونیادان
بیریسینین سئوگیسینی بو گئجه چالاجاغام
آنام سایاغی تیکه‌جه‌یم بخیه‌لری یاساق سئوگی‌یه
کئشکه
بوتون داریخمالارین قوجاغیندان
کؤکسونه سورگون اولایدیم
تکلیلیک باغلاریمدا
یالنیزلیق برکینیبدیر
گل
تانینماز آغ کؤینکلیم
اوره‌ییم دئییشمه‌دن اسکی تانیش اول
قورتار ایکی دوشونجه اورتالیغیندان،
کئشگه
گؤره بیلسن رویالاردا قانچیل شئعرلر اوستونده
قاچیرام!
آغلاییرام!
سونرا یوخولاریندان سیلینیرم-
دارماداغین تک یاتاغیما،
گل
کیریتمه بو قیزجیغازی تبریزین خیاوانلاریندا،
داها
گولوشلو دوداقلارا آلینمارام
گئج قالسانا-
بیر دهشت فیکیر گوزله‌ییر
گلسن ده گلمه سن ده
بیر داها تاپیلمارام

یورولدوم یولون سونونا باخماقدان
قوجاق قوجاق
قارانفیل نذیر وئردیم گلن یوللارا
یول قارالدی
چن دوشدو
بیر…
ایکی…
ماتاماتیک ساییلار دان یورولدو
باجارا بیلمه‌دیم
اورییمدن سیلمه‌یی
گئدیرم
وارلیغیمی بیله- بیله
گؤمدون منی…
سن یاشا یئتر

2 پاسخ

  1. ساغ اولون سایین “اویاق ” یولداش / اوخودونوز و اؤنری وئردیغینیز اوچون مینتدارام .

  2. سایین معصوم خانیم گؤزل شعرینیز اوچون اوریینیزه ساغلیق. یئنی ـ یئنی ترکیبلره راست گلدیم بو شعری اوخودوقدا دوغروسو باییلدیم. تبریز آغزیندا آغ‌کؤینک باش یارانا دئییرلر، اوماریم سیزین آغ‌کؤینکلیز باشینی یارانلاردان اولماسین. بیرده امینم سیز کیمسه‌نین سئوگیسینی چالان دئییلسن سؤز گلیشی یازمیسینیز «بیریسینین سئوگیسینی بو گئجه چالاجاغام» سیزه باشاریلار دیله‌ییرم، داها بارلی شعرلرینیزی اوخوماق اومودویلا هله لیک!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *