قورخما، دئدیم
رقیه کبیری
گونلرین آدسیز بیر گونونده
دوربونوم دوشدو
بیر شاه‌عابباسی کروانسارانین تاغینا
دیبینه،
بوجاغنیا،
قوجاغیندا داشلار یاتمیش اوجاغینا…
یول،
ایپک‌لیک سرحدّینه ساری اوزانمیشدی
آغ- قارا بیر کپه‌نه‌یین،
قوشو قونموشدو بینووره داشینا
آیاق سسیمه
اورکمه‌دی کپه‌نک،
سیلکه‌لندی تورپاق اوسته، بینووره داشی
گؤزومو یومدوم
اونودولموش کروان کیمی
ده‌وه اوچان یولونا دؤندوم…
بینووره داشی‌ایله کپه‌نک
زامانین بیچدییی دونا گیردیلر…
۹۴٫۰۵٫۰۸
