ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

n-davaran1
موسیقی‌لشمک
ناصر داوران

یارپاق‌لارین هامی‌سین
آد با آد چاغیریردین
تانیمادیغین بیر یارپاق یوخ‌ایدی
بویالارین
یاش‌لارین
والدین‌لرین…
هر یارپاغی اؤز دیلینده دانیشدیریردین
ترجمه‌سیز
دیلمانج‌سیز.
یارپاق‌لارین بیری گؤزلوک تاخیب
سلیمان پیغمبرین ناغیلین اوخوردو
سن ده پنجره‌نین قاباغیندا دوروب
قولاق یاتیرمیشدین
هانکی بیر یارپاغین چالدیغی سازا
دزگاه باشیندا بیر اوشاق
ـ یوخو کیمی گلیر یادینا ـ
چوخ زامان بوندان اول
سیزیلدایارمیش بو نغمه‌نی.
پرده ـ پرده موسیقی‌له‌شیردین.
نت‌لار یاییلدیقجا روحونون قات‌لارینا
قانادلانیردین
یئردن اوزولوردون آغیرلیغی یوخموش‌لار کیمی
باغلیلیغی یوخموش‌لار کیمی.
سونرا پنجره‌نین قاباغی بوش‌ایدی
و یارپاق‌لارین سایی چوخالمیش.

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *