اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

araz
آراز غمی داشینماز
ممد آراز

درد اورکده داغ-داغ اولا دیکلنه
اورک قلبده حسرت اوسته کؤکلنه
کاروان-کاروان قاتار-قاتار یوکلنه
بو دونیانین آراز غمی داشینماز!

کؤچوم، آرخام، اصلیم قالیب او یورددا
باجی، قارداش، کسیم قالیب او یورددا
شهریار تک سسیم قالیب او یورددا
بو دونیانین آراز غمی داشینماز!

خان آرازدی گؤزلریمین آجیسی
او طالعین حسرت آدلی قامچیسی
گؤزیاشی‌دی هر گیله‌سی- دامجیسی
بو دونیانین آراز غمی داشینماز!

اود اوغلویوق سجده قیلدیق اودا هئی
ساوالاندان اودور گلیر صدا هئی
اولو قورقود یئتیشمه‌سه دادا هئی
بو دونیانین آراز غمی داشینماز!

دونیا اؤزو بو اویونا چاش قالیب
حیدربابا بیرجه قورو داش قالیب
اوره‌ییمین بیر یئری وار بوش قالیب
بو دونیانین آراز غمی داشینماز!

ایضاح:
شعری، حؤرمتلی اوخوجوموز منصور شکری سایتیمیزا گؤندریبدیر.

 

اشتراک گذاری در print
چاپ

2 پاسخ

  1. سلاملار
    سئوینج دولو اورک له بوتون زحمت ائدیب چالیشیب و بوجور بیر صحیفه لر یارادیب و پارلاق ساخلایان لارا دونه دونه منت دار لیقیمی و سئوه سئوه تشککورومو بیلدیریب آرزی ائدیرم…گونو -گوندن اوغورلو گون لریز اولسون ….نه یاخجی کی وارسیز …. اولماسیدی بیز بو قیرخ قلب لری هانکی سوزلرله ساغالداردیک….یئنه ده ساغ اولون

  2. اللرینیزه، اوره یینیزه ساغلیق… هم سیز جنابلارین، همده منصور دوستوموزون…

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *