اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

rugayeh
ایکی ماهنی
رقیه علیقلیان(لاله)
تبریز

یاشا یوردوم !

ایستیرم تبریــزدن یــازام
دالغالـی دنیـــزدن یــازام
دؤیوشلرده باش قالدیران
قیزارمیــش بنیزدن یازام
یاشا یوردوم یاشا یوردوم
ایفتیخارلا قوشا یـوردوم

اوجــالـدام عینالــی داغیــن
گوللندیـرم باغــلار بـاغیــن
شنلیکله دولسون هر چاغین
یاشا یوردوم یاشا یــوردم
ایفتیخارلا قوشا یــوردوم

حــوووز ترلاندان سو ایچــم
هـونــریــن داستـانــا چکــم
آجی چایلا قان یاش توکــم
یاشا یـوردم یاشا یـوردم
ایفتیخارلا قـوشا یـوردم

ائــل گولونـدن ائلـدن یــازام
قوجاق-قوجاق گولـدن یـازام
قانـادسیـز بـولبولـــدن یـــازام
یاشا یوردوم یاشا یوردوم
ایفتخارلا قوشـا یــوردوم

یوکـسه‌لن داغـلاری قـارلـی
باغچــالاری دولــو بارلـــــی
شان شـوهرتلـی ایفتیخـارلـی
یاشـا یوردم یاشا یـوردم
ایفتیخارلا قوشا یـوردوم

یاریم گل آی یاریم گل آی
اوزاقلاردان بیر باخ منـه
کؤنلوم وورولوب سنـه
اوره‌گیمی سالما غمـه
منه وفاسیز یـار دئـمـه
یاریم گل آی یاریم گل آی
جانیم گل آی جانیم گل آی

سینه‌م اوسته آللام سازی
چاغیـرارام خـان ایــوازی
کؤنلومون باهـاری یـازی
یـاریم گل آی یاریم گل آی
جانیم گل آی جانیم گل آی

سن سن مردین مرد بالاسـی
ایگیدلــریــن بیر دانــاســی
آی اوره‌گیــمیـن پــاراسی
یاریم گل آی یاریم گل آی
جانیم گل آی جانیم گل آی

دویوش لـرده ظفـر پاییــن
قوچاقلیقدا یوخدور تایـیـن
دالغالانسیــن آل بـایراغـین
یاریم گل آی یاریم گل آی
جانیم گل آی جانیم گل آی

“لاله” اوللام ایزلرینده
ایشیق اوللام گؤزلرینده
ماهنی اوللام سؤزلرینده
یاریم گل آی یاریم گل آی
جانیم گل آی جانیم گل آی

۲۸ /۱/۱۳۹۴

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *