اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

zolfi
یئنی صحیفه
فاطمه زلفی

اوتورور قار ساچیما
بیر، ایکی
اون بئش، اوتوز
اللی، یوز.
دوزولور ایز اوزومه
ایریش- اویروش
دوم- دوز.
یئل اسیر
ائیوانی، پنجره‌نی کؤلگه کسیر
آددیم- آددیم بیر ایاق سسلری
یولدان کسیلیر.
دوست- تانیشدان نئچه گوندور کی خبر بیلمه‌میشم
گوزگومو سیلمه‌میشم
گوللره سو وئرمه‌میشم
نه یامان گوندو بو گون
دئیه‌سن؛
کیمسه منی مندن آلیب.
بیر سازیم اولسایدی…
باساراق باغریما هردن
اونو دیندیرسیدیم…
عاشیق اولسایدیم اگر…
گؤرسن تئللی سازین قول- قانادین کیم قیردی؟
آرادا کیم دوردو؟
آی آماندیر قلمیم
دوشمه الیمدن
یاراماز یئل دئیه‌سن کسکین اسیر
اوره‌ییمدن یئنی بیر صحیفه سؤز آچ
گوزگوده واردیر هله
بیر، ایکی
آلتی، اون- اون بئش
قارا ساچ.
۸۸٫۹٫۴

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *