ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

elyar polad (1)
شعرلر
ائلیار پولاد

(1)، وَرَم
یاتاق دان
زیلله میشدی
گوزلرینی سولغون آیا.
قاپیلمیشدی ایچینه:
” آپاراجاقمی اونو اؤلوم ؟
محو ائده‌جکمی اونو وَرَم؟”…
ائشیدیردی
سحرین باکیره‌لییینده
قوشلارین نغمه‌سینی؛
دویوردو
دان یئری‌نین سؤکولمه‌سینی؛
اومید ائدیردی
گله‌جه‌یه
یئنی‌دن
یاشاماغا ….

(2)،قارا لپیرلر
ساغ الیمده قلم
و سولدا
ال آلتی بیر ورق
اوزانیر گؤز اؤنونده
آغ آپباغ ، بم- بیاض
بیر دوز‌نلیک.
آخیر قلمدن
سیرا – سیرا
قارا سطیرلر.
بو بیاض
و سونسوز
دوزنلیک‌ده
قالان
انسان لپیرلری …. 

(3)، اوره‌ییمدن نه‌لر کئچیر…
باخا بیلمه‌دیم گؤزلرینه
اللرینه باخدیم
سانکی کولفه‌دن اوزانمیشدی.
ایچیمی یاندیردی سسی قیزجیغازین:
عمی! عمی! نولار کمک ائت!
حیسلی – قارا بارماقلار
بوروموشدو صیفتینی
قیوریم – توزلو ساچلار
رنگینی سئچه بیلمه‌دیم
سانجدی اوره‌ییمی اوتانقاج باخیش.
رادیودا بیر ایش آدامی دانیشیردی:
“مغان قطب کشاورزی است،
می‌تواند مرکز صنعتی هم باشد.”
آمما
آنلامیردی ایندی منیم اوره‌ییمدن
نه‌لر کئچیر… نه‌لر….!

 

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *