گؤزلرینده یانیق قوخویور
کیتابلاریندا
اؤزلهدییین آچیق یوللار.
گؤردویون یوخولارین
یوزده بیری یوزولسایدی!
آیاغینا دولاشیر
یادداشینداکی قوش یووالاری،
ایکی یاشلی دویغولار.
دوغرومو بونلار؟
یوخسا خیالیندان یادداشینا بویلانان
یوزولمامیش یوخولار
داریخیر قینیندا؟
ژاک دریدا
وحشی سؤزجوکلری اوزونه توتوب
یوخولارینا قییدی
من بیلیرم.
ژاک دریدا
بیر گون سنی یاشاسایدی!
دونیانین ایت بئلیندن گلمه
نه چوخ اییرنج اداسی،
آدامی قاپیر دا
چؤرهیینه ایشیییر ده
آلین قیریشلارینی سیلمهیه
الین چکمز باشینا.
بو کؤپک اوغلو دونیا
ادالاریندان ال چکسهیدی!
چئویرن: ناصر داوران
ترجمه: ناصر داوران
ناصر داوران
- شعر
- یکشنبه ۱۶ شهریور ۱۳۹۳
- اوخوماق زامانی: < 1 دقیقه
- https://ishiq.net/?p=10019
00:00
00:00
چاپ