ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

imran selahi
آدام یئیه‌ن
عمران صلاحي

دوٍنيادا يئمه‌يه بير بئله شئي وار، آمما بعضي‌لري گؤروٍرسن کي، آدام يئييرلر. بيز ائشيتمیشديک کي، بعضي‌لري شوٍشه و ميخ يئييرلر و بوٍللور و مفتيل تحويل وئريرلر. يئنه ‌ده ائشيتميشديک کي، بعضي قبيله‌لرده آدامي بيشيرير و ايستي اوت قاتير و دوز سپيب يئييرلر. بير آدام یئیه‌ن، بيرينين آتاسيني يئميشدي و اونا هئي دئييردي کي، آتاني..جه‌يم. اؤز- اؤزوٍموٍزه دئديک کي، بو ايش‌لر کؤهنه‌ليب، بو مدني دوٍنيادا بئله ايش‌لر باش وئرمز. ايندي گؤروٍروٍک کي، باش وئرير. اؤزوٍ ده نئجه. آدامجيل قبيله‌لر بو ايش‌ده قالميش‌لار. بو دؤنه اؤنجوٍل‌لر روس‌لار و آمريکالي‌لاردير. روسيه‌ده بو ايش عمومون مصرفي اوٍچوٍن اوٍز وئريب و آمريکادا ايسه شخصي مصرف اوٍچوٍن. ماجرا بئله‌دير کي: خبر وئرميشديلر کي، روسيه‌ده بير ار و آرواد اؤز قوناق‌لاريني کونسئرو ائديب ساتيرديلار و اونون پولو ايله ايچکي آليب ايچيرديلر. آمريکادا ايسه بير کيشي اونون- بونون داليسيجا دوٍشوٍب دئيه‌رميش: اوزوٍنوٍ يئييم يوخسا «جييه‌ريني‌يئييم» سونرا اونلاري آپاريب بيشيريب و مئيل ائديرميش. بيلميرم روسيه‌ده پوليس او اولوٍ يئيه‌ن‌لري نئيله‌دي. آمما آمريکادا جييه‌ر يئيه‌ن کيشي‌ني توتوب زيندانا سالديلار. بو دوستاق باشقالاريني يئمه‌سين دئيه اونو «تک نفرليک» سيللولا سالديلار. زيندانين گوٍدوٍکچوٍلري اونا ياخينلاشماقدان قورخوردولار. چوٍن کي او آدامجيل دوستاق اونلاري گؤرن کيمي اؤز آغيز- بورنونو يالايـيردي. بير گوٍن گليرلر گؤروٍرلر کي، او آدام اؤزوٍنوٍ ده ‌يئييب. خالق دئميشکن اؤزوٍ اؤزوٍنوٍ يئييب و اوندان اثر- اتر يوخدور.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *