آی ائللر وطنه ویروس یاییلیب،
ائوده قالین گتیرمه‌یین باهانا!
گئدین دئیین ماهانا
دوروب گئدسین ووهانا
کرونانی گتیرسین
قاریشدیرسین سوهانا
قوراخلیقدا کئچدی یاغیر یاغیش‌لار
اکینچی‌لر اوز گتیریب کوهانا.
قالسام ائوده چؤرک هاردان تاپیلار؟
چؤرک ده تاپیلسا یاوان تاپیلار.
چؤرک یاوان تاپیلار
داغدا دومان تاپیلار
بئله گئتسه نه کافر
نه مسلمان تاپیلار
دئییرلر بیر ایله درمان تاپیلار
تویدان سورا گ…….. یاخاللار حنا.
بیری بورونلارا سورتور عطیردن
بیری حکمت تاپیر دوه بعیردن
عاشق دئیر عطیردن
سورت بورنووا عطیردن
سحر دوردون یوخودان
دیشله ایشلی فتیردن
بیریده تاپیلیب دوخسان مئتیردن
تانیییر ویروسو خبر وئر هانا!
یاییلیب ماحالا سوزو-سوراغی
توختادیر خسته‌نی بنؤوشه یاغی
تاپسان بنؤوشه یاغی
یاغلا یانی یانچاغی
پامبیغینان قاریشدیر
کیپله یولو، یولاغی
یاندیر عنبرنسا، هولکوت قوناغی
قویما کی یاییلا ویروس جهانا!
«حسین سیامی»نی وئردیز گودازا
کرونا ویروسا شعر یازا-یازا
خبر وئر کلیدسازا
قیشینا ییغسین آزا
دولته گلمز زاوال
اؤزون یئتیرسه یازا
رحم ائیله‌سین هم تویوغا هم قازا
جوجه‌نی اولدورسه اولماز شاهانا.
