گیریش
ایتن کؤلگه‌لر، مدرن رومانلارین بیر چوخو کیمی، اولایی نورمال دوزه‌نین پوزولدوغو یئردن باشلاییب، اؤنجه‌کی دوزه‌نلی حایات‌ین داوامیندا بیر دوزنسیزلیک یارادیر. سونرا یئنی بیر دوزن‌ین باشلانیشی ایله بوتون اولایلاری بیربیرینه باغلاییر؛ داها سونرا ایسه، یووارلاق بیر آنلاتی‌یه اوخشار طرزله رومانین سونوندا، ایلک آنلاتیلان اولایا بنزر بیر دوروم یاراداراق، بیر داها یئنی قورولموش دوزه‌نین پوزولماغینی آنلاتیر. روس بیچیمچی‌لر[۱]ین سؤزو ایله آنلاتی «یووارلاق آنلاتی[۲]»دیر؛ ایلک آنلاتیلان اولای رومانین سونوندا گؤزل بیر بیچیمده یئنیدن، آنجاق باشقا یئرده و باشقا جور باش وئریر. ایره‌لی‌ده بو سؤزه بیر ده قاییداجاغام. رومانین دونیاسی «زامان» مساله‌سینه ده دوزه‌نلی باخمیر. زامان دوز زامان[۳] دَییل، ترسینه رومان زامان سوره‌جینی دال‌قاباق ائتمک‌له، زامان قاورامیندان مدرن بیر آنلاییش ایره‌لی سورور. آنجاق زامانین دالا قاییتماغی ذِهنسل دَییل دیر. زاماندا گئری قاییتماق اوچون، آنلاتیچی آنیلار دفترین‌ده یازیلان سؤزلر واسیطه‌سی ایله یولا چیخیر. رومانین باشلانیشی قانلی بیر چارپیشمانین اورتاسیندان آنلاتیلیر، سونرا زامان بیرآز کئچمیشه قاییدیب اؤنجه‌کی دورومو آنلاتیر. چارپیشمادان سونرا باشلانان یئنی دوزن رومانین سونونا قدر چکیر. رومانین بیتمه‌سی آنجاق یئنه بیر چارپیشمادیر.
مقاله‌نین بوتونونو PDF فورمتینده اوخویون:
2 پاسخ
دوست عزیزمان جناب شریف مردی اگر با مقوله پیشانقد و آثار پیشانقد آشنایی داشت هرگز به خوانش یک اثر آماتور پیشانقد اینهمه تئوری بافی نمیکرد
بو یازیدا آنلاتی روایت دئییمینه قارشلیقلی توتولاراق تام یانلیشدیر.روایتین تورکجه قارشیلیقلیسی سویلم دئمکدیر.آنلاتی بیان دئمکدیر