چئویرن: شهرام گلکار
ترجمه: شهرام گلکار
شهرام گلکار
00:00
00:00

چوخدان ایدی یاشامینین اولای‌سیز یول آلیب گئتدییی؛ هارداسا تزه پالتارین قوخوسونا پالتارین اؤزوندن داها چوخ تامارزی ایدی دئیه دوشونوردو. بیراخ بونلاری، توکانا گیرر-گیرمز توکانچینین نه ائده‌جه‌یینی اؤنجه‌دن بئینینده کسدیردییینی، سونرا چئشیدلی گئییش‌لردن ماسانین اوستونه تؤکدوروب آز سونرا دا بینمه‌ییب ادبه چالار قیسیق یومشاق سسله «باغیشلایین» دئمه‌سینی بئله اؤزله‌میشدی آدام. آلیش-وئریش هاواسی‌یلا نه زامان هانسی هاوایلا دیشاری چیخدیغینی اونوتموشدو آنلایاجاغینیز.
ائله بونلاری آنیمساییب نه اولورسا اولسون کئچینه‌جه‌یینه یئنی رنگ قاتماغی پلانلاشدیراندا، ایللر بویو نه‌دن بوی گؤستره‌مه‌دییی ائتکن ایندی ده قابا اوزونو اوزونه توتوب – هئی‌ی‌ی‌ی‌ نه دئییرسن آرخاداش، اؤنونو… آردینی… کارتینی دوشونمزمی‌سن می سن!؟
آنجاق بو، سون دوراق کیمی گؤروکوردو. ائده بیلمه‌سه‌یدی بیر داها ائده‌بیله‌جه‌یینی دوشونه‌ بیلمیردی بئله. آز-چوخ، زور-خوش دادینا باخمالی اولسا دا بونو یاشامالی‌یدی. تانییانلاری بیر یانا قالسین ائوداشلارینا بئله بونون بکلنتیسینی چوخدان اوزه‌ریندن گؤتورتدورموشدو. او اوزدن ائیلمه کئچمکدن باشقاسینی دوشونمک ایسته‌میردی.
ها گؤزه گلیر بیر شئیه یاناشدی‌یسا دا، گوجو گؤزدن ایراق اوجوز جوارابا، نیسکیلی ده بوینونا چاتدی؛ سیرا، باجاریقلا ائوداشلارینا هاوا آتماقدا ایدی آرتیق، باشماغینین ایچینده بولونماغی «آتاجاغی هاوا»نی یاخینلاریندان اوزاق توتماغا یئتیردی نه یازیق، یوخسا بو، اونون اوچون آکتیورلوق پئشه‌کارلیغی ایسته‌ین ایللرجه بئینینده چئشیدلی سئکانسلارلا یازدیغی اوسکارلیق بیر سئناری ایدی.
نه‌یسه آرتیق ائوه گلیب چاتمیش ایدی. – من‌ده بیر غریبلیک وار تاپین گؤرک نه‌دی! – دئدی. هامیلیغا سوزه‌رک اینجه‌له‌دیلر، آنجاق غریب نه‌سه گؤره‌مه‌دیلر. – بیزی ساریمیسان دئدیلر! –
– یوخ ایه، نه ساریماسی؛ کوْتونو چیخاردیب دئدی: – بس ایندی! –
– گئنه‌ ده بیر شئی تاپا بیلمه‌ییب، اله سالیر دئیه باخیشلارینی بوندان چئویردیلر ائوداشلاری.
– کؤینه‌ییله شالوارینی چیخاردیب دیم‌دیک قاباقلاریندا دوروب – دای ایندی ده تاپا بیلمه‌سؤز یانی دای هئش‌زاد! – جاماعات بو کز ده برک سسله وورغوسونا گؤره اؤنمسه‌ییب اوزه‌رینه دقیق اولدولار، آمما گل گؤر کی، گؤرولوب دئییله‌جک نه‌سه تاپا بیلمه‌دیلر یئنه. بو آرادا، یولدان گلیرکن باشماغینین قارا-قوراسی جورابا چیخیب، اونو، هم جورابلیقدان هم ده تزه‌لیکدن چیخارتمیشدی. باخمایاراق کی ائوداشلارینین قارشیسیندا بیر شورت بیر ده جورابلا دورموشدو، آنجاق یئنه ده تاپماقدا چتینلیک چکیردیلر.
ائوداشلارینین آجیقلی-آجیقلی عینادینا باخماییب «اله‌ سالیرمیش» ژئستینه دای دوزه بیلمه‌ییب حیرصیندن شورتونو دا سویونوب یئره چیرپیب، بو کز آرتیق تاپیلیب تاپیلماماق قئیدینده دئییل ده، داها چوخ اؤفکه‌لی اؤفکه‌لی کینینی قوسماغا چالیشیر سانکی؛
– باخین باخ، باخین! یوخ دایانین؛ ایسته‌ییرسینیز ایپ‌اوجو وئریب یاردیم ائله‌ییم سیزه؛ یا دا دایانین اپپ‌اوجوندان دا قالین یاردیم باغی وئره‌جه‌یم الینیزه، دیققتله باخین! باشینی آشاغی ایه‌رک گؤزونو بللی دئییل شیشمیش قارنینین اورتاسینداکی گؤبه‌یینه یا دا آیاغینین اوجونا ذیلله‌ییب دئییر: باخین، اوخون اوجو بئله اونو گؤسته‌ریر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

جوراب

شهرام گلکار
www.ishiq.net

آذربایجان ادبیات و اینجه‌صنعت سایتی

جوراب

شهرام گلکار
www.ishiq.net

آذربایجان ادبیات و اینجه‌صنعت سایتی

جوراب

شهرام گلکار
www.ishiq.net

آذربایجان ادبیات و اینجه‌صنعت سایتی