مانیسا!
بابک قوجازاده

امه‌‌یین کؤموردن، کؤمور قارادیر
اولمازسا پول- پاران، عؤمور قارادیر
آرتیق قیزیل گونش دؤنور، قارادیر
مانیسا! مانیسا! یازیق مانیسا…!

چوجوق‌لار گؤزله‌ییر آتا یولونو
گلین‌لر اؤزله‌ییر یولداش قولونو
من نئجه اینانیم بئله اولومو؟
مانیسا! مانیسا! یازیق مانیسا…!

سانمایین بیزلری اوزاقلیق یورور
تبریزین اوره‌یی سیزینچون وورور
کدردن ساعات‌لار دایانیر، دورور
مانیسا! مانیسا! یازیق مانیسا…!