گونش‌لرین پاییزی‌دی
انصار قره‌داغلی
گونش‌لرین پاییزی‌دیر
یارپاق- یارپاق سولور ایشیقلار
سنین گؤزلرینله آغلایان گؤی اوزره
بیر اولدوزون آخشامی، بیر اولدوزن سحری‌دیر
گؤیون ماویلییینه داملایان گؤز یاشلاری‌نین گوزگوسینده
بویلارینی اؤلچورلر تانری‌نین قاپیچی‌لاری
نه یوخسولوموش گؤی‌لر؟!
دوغودا بیر باتی آغلاییر
زامان پوزغونلوقلاریندا سنی اوغویورام
و اؤلوم آیناسینداکی زامانلارا قورورام شهریمیزین ساعاتینی
سن
ایندی هانسی فصیل‌لرله آغلایاجاقسان‌می؟۱…
