“آذری- ائل دیلی و ادبیاتی” درگیسی یئنی‌دن یاییلاجاقدیر
آذربایجانین اونودولماز ادبی- مدنی شخصیتی اوستاد بهزاد بهزادی‌نین ابدی ایتگیسیندن سونرا نشری دایاندیریلان “آذری- ائل دیلی و ادبیاتی” اوچ آیلیق درگی یئنی‌دن نشره باشلایاجاقدیر. درگی‌نین تشبثکارلاری‌نین وئردیگی معلوماتا اساسن بهمن آییندا نشر اولاجاق “آذری- ائل دیلی و ادبیاتی” درگیسی‌نین یئنی نشر دؤرونون بیرینجی نومره‌سینده آذربایجان شاعر و یازیچیلارینین دیرلی اثرلریله برابر خصوصی اولاراق اوستاد “مفتون امینی”نین‌ده حیات و یارادیجیلیغیندان سؤز آچیلاحاقدیر.
“آذری- ائل دیلی و ادبیاتی” درگیسی‌نین یئنی نشر دؤرونون صاحیبی و مسئول مدیری خانیم “حشمت حافظی”، باش یازاری‌ایسه آذربایجانین تانینمیش ادبی شخصیت و ژورنالیستی شاعر “حسن ایلدیریم”دیر. آذربایجان و فارس دیلینده یاییلاجاق و اؤلکه‌لر آراسی پایلاناجاق بو درگی‌نین یئنی نشر دؤرونده بیر سیرا آذربایجان مطبوعاتچی، شاعر و یازیچیلاری‌دا امکداشلیق ائده‌جکدیرلر و درگی‌نین داخیلی مودورلوگو ایسه جناب حسین ریاضی‌نین عهده‌سینده اولاجاقدیر.
یاخین گونلرده “ایشیق” سایتی واسطه‌سیله باش یازار جناب حسن ایلدیریم‌لا درگی‌نین نشر گئدیشاتی، اونونلا امکداشلیق، اثرلرین گؤنده‌ریلمه‌سی، آبونه فورمو و بو کیمی موضوعلار باره‌ده آذربایجان ادبیات و مدنیت هوسکارلاری و درگی‌نین اوخوجولارینی بیلگیلندیرمک اوچون گئنیش دانیشیق آپاریلاجاقدیر.
“آذری- ائل دیلی و ادبیاتی” درگیسی‌نین اجتماعی علاقه‌لر اوزره مسئولو، باش‌یازاری و نشر امکداشلاری‌لا علاقه‌یه گیرمک و یاخود ادبی- مدنی اثرلر گؤندرمک اوچون، آشاغیداکی عنوان‌لار و تلفن نومره‌لری‌ایله علاقه ساخلاماق اولار.
تلفن‌های مجله:
تلفن دفتر مرکزی در تهران: ۶۶۴۲۶۱۸۴
دورنگار دفتر مرکزی در تهران: ۶۶۹۰۵۶۰۹
تلفن روابط عمومی: ۰۹۱۲۱۰۹۶۵۱۳
آدرس‌های الکترونیکی مجله:
ای. میل: Azeridergi@gmail.com
وب‌سایت:WWW.Azerimag.com
صندوق پستی:
تهران- صندوق پستی شماره ۴۴۹۹- ۱۴۱۵۵
امور مالی و آبونمان:
شماره حساب نزد بانک ملی: ۰۳۴۴۸۵۴۳۹۹۰۰۱ به نام آقای داود محمدی
شماره حساب کارت بانک: ۶۰۳۷۹۹۱۸۳۹۰۰۱۶۴۵
