وورغونام
یعقوب نامی
هر باهارین بیر پاییزی سونون دا
پاییزینا, باهارینا وورغونام.
یایلی, قیشلی طوفانلار دا قوپسادا
یاشاییشین آخارینا وورغونام.
***
طبیعتین گوللری وار نشئه‌لی
هر بوجاغی یاشیل الوان مئشه‌لی
کروانیمیز یایلاغیندا دوشه‌لی
سحر مئهلی خمارینا وورغونامی
***
من پاییزی بیر یاز کیمی یاشیرام
هجران اودون آراز کیمی یاشیرام
سینه‌لرده بیر ساز کیمی یاشیرام
وطن آدلی دیارینا وورغونام.
***
حیات اوچون سؤز ایسته‌سن بیر قاطار
اؤزوم اودلو، سینه‌م اودلو، باشیم قار
ایسته‌میرم حیاتیمی قیریق تار
آغاجلارین چینارینا وورغونام.
یک پاسخ
چوخ گوزلدی یاشایین