صمد بهرنگی‌نین بوتون اثرلری فارسجادان چئوریلدی
تورکیه‌نین “قایناق” انتشاراتی طرفیندن، ایلک دفعه اولاراق صمد بهرنگی‌نین توپلادیغی شیفاهی خالق ادبیاتی نمونه‌لری و ناغیللاری‌نین هامیسی تورک دیلینه چئوریلدی. ۱۲ کیتابدان عبارت بو سلسله‌لی نشرین هله‌لیک ایکی کیتابی: “تلخون” و “بالاجا قارا بالیق” آدلاریندا، کئچن گونلرده یاییملانمیشدیر. اثرلری فارسجادان چئویرنلر آذربایجانین گنج شاعر , ژورنالیست‌لری تورکان خانیم اورمولو و رامین جبارلی جنابلاری‌دیرلار. کیتابلاری اینترنت واسیطه‌سیله ساتین آلماق اوچون آشاغیداکی آدرسه مراجعت ائده بیلرسینیز.
2 پاسخ
سالاملار
بئله ایشلر باشقا دیرلی و دونیا شهرتلی یازیچیلاریمیزادا اولمالیدیر. بو آرادا بیر ایشده هامیمیزین بوینوندا واردیر، باشقا دیللرده اولان بیلیمسل، کولتورل، ادبیات و… اولان کیتابلاری اؤز آذربایجان تورکجه میزه چئورمک، حتتا اولسا فارسجایا چئوریریلن یابان دیللرده کی کیتابلاری. بیزیم دیل اینکیشاف یولوندادیر و گئجه گوندوز اونا زحمت چکسک ده یئنه آزدیر. آذربایجان تورکجه سی چوخ دیرلی یئنی نسیل ایله قاباکی نسیللرین امه یی له بیرگه چوخ سورعتله بو قوتسال یولدا آددیم آتیر و دئمک اولار مدرسه سیز ده توودان قالمیر. تانری یا شوکورلر اولسون بیزیم دایانمادان چالیشان، مننتسیز، گؤزو هئچ نده اولمایان، صداقتلی، یورولماز، قئیرتلی و … اینسانلاریمیزا.
سونسوز حؤرمتله
]چؤخ سئویندیم
آمما دئمه لییم کی صمد بهرنگی بیر انترناسیونال نویسنده دیر و گرک کی اونون یازیلاری بوتون دونیا دیلنه چئوریلسین.
ساغ اولون
یاشاسین آزربایجان