ترسینه کسیلیر باشلار
نیگار خیاوی
ترسینه کسیلیر باشلار
ساری بایراقلارین امنیتینده!
بالتالی بایراقلار
گؤزلر هویخموش
باخیر…باخیر…
بیر آز قان
بیر آز یاش
بیر آز قانیاش تؤکور
آخیر…اخیر…
ندن قورخورسان؟
ندن دالغینسان؟!
بارماغینی سال بوغازینا
بیر آز اؤد قوس.
بیر بوغاز
اؤیرندیگین قوشمالاردان باغیر،
و قورخولارینی چاغیر…
بوغازی نین قاپیسینا
سوس…س…س… حببی دیغیرلات.
باشینی آاااات…
یااااات…
بوز بایراقلار صاباح؛
ایدیعالی دالغالاریندا
ساری امنیت پایلایاجاقلار،
و سنین
قولو قوینوندا
بوینو دوشوک شکیلینی
تاریخه یایاجاقلار!…
