نئجه‌ده غربت داشیییر

آغزی دیلینه زندان کسیلمیش

مظفریه‌لرده کی

بویاسی نار قوخویان

قوز قوخویان

ناغیل‌لارینا

ماهنی یاراسی

بارماق اینیلتیسی قاریشان

اسکی‌دن ایندییه‌دکلیییم.

تبریزین گؤیونده

قانادلاری بیر بیرینه دولاشیر

اؤز دیلینده اوچماغی

اونودموش قوشلارین.

اؤلوب گئدرم دئدیم

منیم‌له بو درد ده قویلانار

اؤلوب گئتدیم‌ده

یئرینده قالدی درد

اؤز دیلیمده اؤلمه‌میشدیم آخی.