چوخ تاسفله، تانینمیش تاریخ تدقیقاتچیسی، اوستاد «مقصود اثنیعشری خیاوی» بیر مدت داوام ائدن خستهلیکدن سونرا، ۱۲ شهریور تاریخینده دوغما شهری مشگینشهر(خییوو)دا وفات ائتمیشدیر.
«مقصود اثنیعشری خیاوی» ۱۳۱۵-ینجی ایل مشگینشهر(خییوو)دا دونیایا گلمیش، ابتدایی و اورتا تحصیلینی اؤز دوغما شهرینده، عالی تحصیلینی ایسه تهران دانیشگاهیندا تماملامیشدیر. او، اوزون ایللر موغان، گرمی و بیلهسوار بؤلگهلرینده، ائلجه ده قاشقای ائلینده اؤز پئشهسی ایله علاقهدار، خالقلا سیخ تماسدا اولوب و بو ایللر عرضینده توپلادیغی دهیرلی معلوماتلار و سندلی تجروبهلری، یارادیجیلیغینین تملی کیمی استفاده ائتمیشدیر.
اوستاد «مقصود اثنیعشری خیاوی»نین علمی فعالیتی زامانی یازدیغی اثرلر آذربایجان تاریخینین اؤیرنیلمهسینده اؤنملی رول اویناییر. اونون «شاهسون (ائلسون)»، «آذربایجان وارلیغی»، «سبلان، بابک، مشگین»، «میراث آذربایجان»، «روابط تاریخی ایران و روسیه» «قفقاز و موقعیت استراتژیک آن»، «اسلام(ادیان) در خاور دور و آسیای میانه»، «جنبشهای مسلحانه اسلامی در یکصد سال اخیر» کیتابلاری بو کیمی اثرلر سیراسیندادیر. موللیف بو اثرلرده، عمومیتله زحمتکش اینسانلارین حیات یولونو و شجاعتینی عکس ائتدیرمیش، گلهجک نسیللرین اؤز کئچمیشلری حاقیندا داها دقیق و احاطهلی معلومات الده ائتمهسی اوچون، بؤیوک خیدمتلر گؤسترمیشدیر.
«ایشیق» آذربایجان ادبیات و اینجه صنعت سایتی- امکداشلاری آدیندان، اوستاد «مقصود اثنیعشری خیاوی»نین ایتگیسینی اونون حؤرمتلی عائله عضولرینه، دوست و تانیشلارینا و آذربایجان علمی- ادبی اجتماعیاتینا باش ساغلیغی وئریر، شرفلی خاطیرهسینی عزیزلهییریک.
«آیشیق» آذربایجان ادبیات و اینجه صنعت سایتی
13/06/1405
