بوینون بوغازین دار دئییبن سسله‌ییر آنجاق
چوخداندی یئییب قورد آغاجی دار دا تاپیلمیر
گؤم گؤی زمی‌یه گؤز دئییبن قاچدی بولودلار
آزقین دوشورنلر چوخالیب قار دا تاپیلمیر
کئچمیشده بیزیم اولماسا دا قونشو دئییردی:
-وار بیزده گؤتور! ایندی داها جار دا تاپیلمیر
کئچمیشده دئمیشدی آتالار یوخسول اولان چاغ
اولماز یاخینین ایندی یاخین واردا تاپیلمیر
گؤزلر گؤتورنمیر سنین اولسون وارین اولسون
بیرجه سنین اولسون دئیه بیر یار دا تاپیلمیر
سول پرده‌ده نئیلیم کی کرم یاندی کول اولدو
بیر کول هاواسی دردیم اوچون تاردا تاپیلمیر
بیر لال قیزی گؤردوکده بهشتینده یانیردی
سؤیلردی جهننمده اولان بوردا تاپیلمیر
یئللر کولک اولموش قوپاریر باش بیر آیاقدان
سینمیش قانادیلا سازاغیم هاردا تاپیلمیر