اؤلوم سونرام
جعفر یزرگ امین

قان ترلی روحومو سوزه‌ن،

 یاخیلان اوره‌ییمی قوپان،

دیزه‌لریمین قاباریندا

قویلایین منی،

“گه‌لر اوخونار بیر گون من”.

“اؤلوم سونرام”

 چالقیج یوخوسونو اویانان

                                پاسلی سازیمی قوچاقلاندیرین

یانیق کرمی، قره باغ شکسته‌سی، دیلقم،  جنگی کوراوغلودا

کفن‌له‌ییب

 سیم یوللار آراسینی، قویلایین منی،

                             “گه‌لر چالینار بیر گون من!” .

“اؤلوم سونرام “

یئنی- یئتمه چاغلاریمی

سئرچه‌لر، سیغیرچینلار

شیرینلیک  توتلاریندا

قویلایین منی،

“گه‌لر دادیلار بیر گون من!”.

“اؤلوم سونرام”

 منی دوغان اورمو گؤل شورونون،

 بئشیک لپه‌لر قوینو :

          (دریادا دریالیقلار

                       سودا اوینار بالیقلار)

 لایلاسینا قویلایین منی،

                     “گلر ماهنیلانار بیر گون من!”