یول‌لار اولماسا، هاردان
یولچونو یولسوزدان
آییرد ائده بیله‌جکسن؟
انتظار، یولچولوق دئمکدیر
باشقالاشما چوووشو.
یاغیشدان اؤیرن
تورپاغین صحیفه سینده
فرقلی تابلو یاراتماغی.
تورپاغا مهربانلیق
اؤزو بیر دیلدیر
بیر آز المپ داغیندان
بیر آز قاف قالاسیندان
بیر آز قیرمیزی درینین
سیرلی دره لریندن مایالانمیش
گؤی قورشاغی،
قوش‌لارین مخمر سسیندن قوپان
مرهم عطری،
اورتاق آغری‌لار.
یولچولوق‌لا دیل بیلمک
اوتورسالار دیز دیزه
گره‌کمز شراب؛
عالم ائله دوردوغو یئرده
سرخوش اولا بیلر.
ایسته‌سن
انتظار منزیله یئتیشسین
یول‌لارا دئییل
آیاق‌لارینا یالوار.
۱۴۰۳/۱۲/۰۲
