قار یاغیر. ائرته‌چاغی یایالیقدا تکجه بوش لَپیرلر وار. آدام، قوش، ایت و باشقا قاریشیق لَپیرلر. باشلاری آرخالیقلارین قییلیغیندا گیزله‌نن، اوچ-دؤرد کیشی وار دایاناجاقدا. قارشی اورتالیغا گویرچین‌لر ییغیشیب. چاشقین-چاشقین گَزیشن گؤیرچین‌لر، دونموش شیرناغین یووارلاق گؤلمه‌جه‌سینده‌کی سو شوشه‌سینی دیمدیکله‌ییرلر. دئشیلمیر سو. سو، ایچیلمیر. قاقالاییرلار هئی، سویا اَل چاتمیر کی، چاتمیر. سو آیناسیندا گؤرونن گؤیرچین‌لر، اؤز یانقیشلاریندان قورخوب، چکینیر‌لر. سو اوستونده سوسوزلوق، دؤزولمز چاغ، گؤز اؤنونده سو ایچیلمز، دادیلماز…
گؤزلریمی یوموب، بیر‌آن یاغیشلاشدیم، آغلادیم، آغلادی منیم‌له دؤرد کیشی. گؤز یاشیمیزدان سو ایچیرتدیک سوسوز گؤیرچین‌لره. یاغیش یاغیرتدیق توتغون اوزوموزدن.
شَهَر آه چکیب، دینجلدی، گونش چیخدی. هاوالانیب، اوچدو قوش‌لار. یولا دوشوب، گئتدیک بیز…