قارقا سسی قارا قاریشیر
قار، قارانلیغا
قار آغزی یومولاندا
قارقا آغزی آچیلیر
قارقالاشیر شَهَر
قار، قارالیر قارانلیقدا
قارانلیقلاشیر شَهَر
آغزی قار
دوداغی قار
بئینی، اوره‌یی قار
قار‌آداملار گَزیشیر اوزو آغ شَهَرده
بئینینده قارقا،
اوره‌یینده قار وار قار‌آداملارین
قارقا سَسینده قار
قار اؤرتویونده شَهَر
…
قار وار
قارقا وار
قارانلیق وار
قالابالیق وار
قارقیش وار
شَهَر وار…