گؤزلریم
پاییز یارپاغینا دؤنوب، سعریییر؛
اوره‌ییم
اؤز ایچی‌له دانیشیر:
– گؤره‌سن بو گون نه باش وئره‌جک،
هانسی معصوملوق نیفرتین آلوووندا یاناجاق،
هانسی ائوین آستاناسی یالنیزلیغا ساریلاجاق؟!
گؤره‌سن تانری بونا گؤز یوماجاق؟!
هارداسان ایچیمی ایشیقلاندیران ایشیق؟
هارداسان سئوگیلی باریشیق؟
کئشکه گلیشین‌له
کدریمین سونو اولایدین؛
کئشکه گولوشون‌له
گؤزلریمن قیریشلاریندا
گولوش اولوب اوتورایدین.
۱۱/۰۷/۱۴۰۳
