گؤزلریندن بیر شکیل چک
آرخاسیندا دومان اولسون!
او شکیلده آخشام چاغی
سئویشمه‌گه زامان اولسون.
ساچ‌لارینی تؤک اوزونه،
قاش‌لارینی آت یوخاری!
اوره‌گینه قوربان اولوم
گؤز آلتی باخ منه ساری!
سئوگی دولو دونیامیزین
آدینی سنه چیخمیشام.
الینی قوی اوره‌گیمه
بئله یامان داریخمیشام!
گؤزلریمین قاراسیندا
یازدیم آدین سیلینمه‌سین.
یاساق اولموش بو سئوگیده
ائله سئو کی بیلینمه‌سین!
یک پاسخ
تورک دیلینده سهل و ممتنع شعر آز تانییرام .چوخ گوزه چارپانی منجه صمد وورغونون مغانا جیرانیدی. یئردن ایاغینی قوش کیمی اوزوب— یای کیمی دارتینیب ، اوخ کیمی سوزوب.
جانای خانیمین بو شعرینده او حیس وحالی تاپدیم . دئدیکجه ساده عین حالدا موکممل .
شاعیره جان ساغلیغی ، آرتیق یازیب یاراتماق دیله ییرم .