(یئنی‌دن نشر اولور)

یئنه بیر بیت غزل گؤزلرینه پای وئردیم
بو داریسقال هاوادا باااخ هایینا های وئردیم
آل یاشیل سؤزلرینه ماوی دنیز قاتدیقجا
اولدوزون تویلوغونا اینجی دوزوب آی وئردیم
پلمه‌لی کؤوشه‌نیمیز گول چیچک آچسین بلکه
قار بوران فصلینه آخشام چاغیلیق یای وئردیم
خونجالانمیش یارا واردیر غزلین قوینوندا
مین چیچک شعریمی گؤی گؤزلرینه تای وئردیم
بئله یالقیز بوراخیب کؤنلومو سنسیزلیک‌لر
داملا داملا «جانای»ا آاااخ داشیدیم وای وئردیم