سون اورتالیق‌لارین دؤورونده
اورتا دوغو کیمی
و تانری‌نین یاراتدیغی
بیر آدام کیمی
آدام دوشون منی

یالقیزلیق نه‌دیر دئیه
تانری
و بیر یوردوم بیلیر

سن ای ساتقین‌لارین یولچوسو
یوردون تانری‌لارینا تؤحفه ائدیلن یولچوم
چنگیزین مانقورد دستانیندا
اونودولموش وارلیغیم

تاریخین سیجیلیک آرادیغیندا
اسارت و قورتولوش فلسفم
ائوسیز آجلی‌لارین یوخسول یئمه‌گی
و حسرت کؤرپومون ویصال کؤرپوسو
ساراییمین خان چوبانیندا
قوپموش تئللی سازیم

آی اوجا بویلو
تئلله‌نه تئله‌نه
او آمانسیز یئل‌لره
بیرده تاپیشیر منی
بلکه بو یئرلره عاشیغین خان کرمی
گتیرمه‌دی بو ائل‌لره

آی آمانسیز بو کوتلمنیش
ایتی‌سیزلمیش ایتمیش
دیلمی دوغرادان ائل‌لره
آ بالام دئین
براهنی اوخویان دیل‌لرده
آ بالام دئین دیل‌لرده
یازدیر دیلینده کی دیل‌لره

تانری ندن یالقیز اولدو؟
بیرده اونوتموشدوم دئمه‌دیم بلکه
بیر یالقیزلیق شعیرلری
و بیر یالقیزلیق کیتابجالاریم بیلیردی
اونودا یاندیردیب قویمادیلار

یاز
قوی پولیس‌لر اینجیمه‌دن نوصرتین شعیرینده
اینتیحار مرتبه‌سی اولوم
واقتی یئتیشرکن
سن ده بیر ویسکی ایچرسن