گئده‌جه‌یم ائوینیزدن
جیزما-قارا سینیریزدان
قوناق اولاجایام آیا، سویا
یئمه‌ییمی داشلارلا بؤله‌جه‌یم
صؤحبتیمی قوشلارلا
آددیملایاجایام دومان‌لا، بولوت‌لا
گوله‌جه‌یم چیچک‌له، پالیدلا…
گئده‌جه‌یم سیزدن
بازارلیق الینیزدن
یالان دوغرونوزدان
سئله قاریشاجاغام
دنیزه قوووشاجایام…
گئده‌جه‌یم،
کؤلگه‌لی گؤزونوزدن
چیخاجایام
بولاشیق ایزینیزدن…
مهرداد فخری
چئویرن: مهرداد فخری
ترجمه: مهرداد فخری
سسلندیرن: مهرداد فخری
- شعر
- اوخوماق زامانی: < 1 دقیقه
- https://ishiq.net/?p=30858
چاپ
