یوخو دوشدو باشیما،
یاتانمادیم گئجه من.
خیال منی بورودو
نئجه اویوم، نئجه من؟!
خیال ائتدیم: ساعاتام،
آسیلمیشام دوواردان،
ساعات یاتیب یاتاقدا
ایشله‌ییرم من اوردان.
ساعات یاتمیش، من آییق
“تیک‌تاک”دایدیم هر زامان.
اویالدیردیم هر سحر
ساعاتی من یوخودان.
ایشلمکدن یورولدوم،
باغلانمیشدی گؤزلریم.
هئچ کیم منی سایمیردی
تیک‌تاک ایدی سؤزلریم.
نه ده چتین بیر ایش‌دیر
ساعات اولماق آداما!
جانا دولور دوغرودان-
گون چاتینجا آخشاما!
خیالیمی پوزارکن
گلیب، یاتدیم یئریمده.
شیرین-شیرین اویودوم
ساعات قالدی یئرینده.
یک پاسخ
چوخ گوزل و دئیرلی بیر شعر. آقای مجد فر سیزی گوروم دونیالارجان یاشییسیز و اطرافیزا نور ساچاسیز