همیشه بئله‌یدین
گیزله‌نردین، تاپام سنی
آختارام، یورولام.
سنه گولمک یئری چیخاردی
منه قورخو لذتی.
یئل دره‌نی سوپوروب
بولودو قاتاردی چنه
هردن ده ببر گؤز قیرپیمی
گونشه یول آچاردی.
هله ده تامسینیرام او گؤز قیرپیمینی.
او گونلر او گون‌لرینمیش
گون ده‌ییشدی
الیمیز بوشا چیخدی
نه سن قورخوسوز گولوش‌لرینی قورویا بیلدین
نه من شیرین قورخولاریمی.
جیبیمیز دلیکمیش ائله بیل
سالمیشیق بایرام یومورتاسین
کپنکلی یوخولارین یوخوسون.
بو گیزلن پاچ اویونو
قوجالساق دا بیزی ترک ائله‌میر
آنجاق بو دؤنه
تاپیلاجاق هئچ نه یوخ.
یک پاسخ
سلام سایین ناصر بَی، من بو شئعیردن دوغرودان دا لذت آپاردیم.تانری سیزی قوروسون عزیز اوزون عؤمور ساغ ساغلام یاشاییر یازیب یاراداسیز.