یازیچی «ارسطو مجردی»نین ۱۳۹۷نجی ایل تبریزین «ایلقار» نشریاتی طرفیندن ایشیق اوزو گؤره‌ن و اوخوجولار طرفیندن ماراقلا قارشیلانان «ایتن کؤلگه‌لر» رومانی آذربایجان جمهوریسی‌نین «قانون» نشریاتی طرفیندن لاتین الیفباسیندا یاییلدی.
«ایتن کؤلگه‌لر»رومانی‌نین اساس موضوعسو ۱۳۲۴-۲۵نجی ایل آذربایجاندا یارانان ملی دموکراتیک حرکاتی‌ایله باغلی‌دیر. موضوع اعتباریله معاصر آذربایجان تاریخی‌نین علامتدار بیر دؤرونو عکس ائتدیرن «ایتن کؤلگه‌لر» رومانی گنج یازیچی «سولماز خانیم جمالی»نین واسیطه‌سیله لاتین الیفباسینا کؤچورولموش و باکی شهرینده نشر ائدیلمیشدیر.
رومانین حادثه‌لری یالنیز بیر ایل عؤمور ائده‌ن «ملی حکومت»ین سون آیلاریندا تبریزده و موغان بؤلگه‌سی‌نین اوجقار بیر کندینده جریان ائدیر. بو اثر ۲۱ آذر حرکاتی‌نین ملی-مدنی و دموکراتیک نائلیت‌لرینی قوروماق نامینه جانلاریندان بئله کئچمه‌یه حاضیر اولان اوغلانلی-قیزلی گنج‌لرین موباریزه صحنه‌لری‌دیر.
«ایشیق» – آذربایجان ادبیات و اینجه‌صنعت سایتی – امکداشلاری آدیندان حؤرمتلی یازیچیمیز «ارسطو مجردی»یه تبریک دئییر، اونا داهادا یارادیجیلیق اوغورلاری آرزو ائدیریک.
ایشیق
چئویرن: ایشیق
ترجمه: ایشیق
سسلندیرن: ایشیق
- خبر
- اوخوماق زامانی: < 1 دقیقه
- https://ishiq.net/?p=29158
چاپ
