آیین‌لارین اویونونا گیرمیشم
رقیه کبیری

آیین‌لارین اویونونا گیرمیشم

چیل- چیلپاق

اَتیمدن، قانیمدان بئله سیلکه‌لنمیشم

گونشه،

یئله،

سویا سوورولموشام

خلسه‌لنمیشم.

اؤزومدن چیخیب

اؤلنگ* اوغراشماغا

قربان پایی اولموشام

سوموک‌لریمی ساییرام*

بیر به بیر آدلاندیریرام

کؤکسومه یئتیشدییمده

سنین آدین دیلیمده گزیر

تشرف باشیمدان اوچور

خلسه‌دن آییلیرام

اَتیم‌له، قانیم‌لا سنی اؤزله‌ییرم

اؤلنگ: شامانیزم ایناملارینا گؤره گؤی لرده کی تانری

سوموک‌لریمی ساییرام: شامانیزم تشرف آیینلاری