وقتی دیر
عبدالعلی مُجازی« آسلان»
گل دولانـاق ائـلیمیـزین بـاشینا
بیز قویمویاق توز قونا گؤز- قاشینا
بیر دوز سالاق ائل بیشیرن آشینا
ورزقانی آبـاد قیلساق وقتی دیــر
پول ثـروتین فایداسی وار همیشه
بو شرط ایلن ییغمییاسان جیبیشه
بیـر آزی دا مصرف اولا خئیر ایشه
ورزقانی آباد قیلساق وقتی دیر
آللاه وئـریب وار دولتـی آی قـارداش
سن ده بیر گل دئ نئجه‌سن آرخاداش
قویما تؤکه یئتیم اوشاق گؤزدن یـاش
بیر اوشاقی سن شاد قیلسان وقتی دیر
گئـــدک وئـــرک ورزقـانـدا ال- اله
اغیـاریـن بـاغــرینـا ســالاق ولوله
ورزقـانـا پـول وئــریــرسن وئــر گله
ورزقـانـی آبـاد قیلسان وقتـی دیــر
قویما عـاجــز دار بـوجـاغـدا سیخیلا
اینجـارسیــزدن یــاری یـولدا ییخیلا
قولاق وئــرمـه دارگؤزه هـم پـاخیلا
«آسلان»ی دا ارشاد قیلسان وقتی دیر
۲۵/۵/۱۳۹۱
