«زهرا نعمتی» وطنه دؤندو

تبریزلی داغچی قادین «زهرا نعمتی» ۸۱۶۳ متر هوندورلوگو اولان هیمالیانین «ماناسلو» داغینی فتح ائتدیکدن سونرا بوگون آخشام وطنه دؤنموش و تبریز طیاره میدانیندا سئونلری طرفیندن گول چلنگ‌لری ایله قارشیلانمیشدیر.
«زهرا نعمتی» مهر آیی‌نین ۵نجی گونو دونیانین ان اوجا داغلاریندان حساب ائدیلن «ماناسلو»نون زیروه‌سینه ایاق باسمیش و بئله‌لیک‌له بو داغی فتح ائدن ایلک آذربایجانلی قادین و ایراندا ایسه ایکینجی داغچی قادین اولموشدور. خانم نعمتی‌نین استقبال مراسیمینده تبریز داغچیلیق هئیتی(هئیت کوهنوردی)، سئونلری و دوستلاری اولموش و تاسفله بو غیرتلی آذربایجان قادینینا رسمی شکیلده قارشیلانما مراسیمی کئچیریلمه‌میشدیر.
«ایشیق» – آذربایجان ادبیات و اینجه صنعت سایتی امکداشلاری آدیندان وطنداشیمیز «زهراخانیم نعمتی»‌یه جان ساغلیغی و داهادا اوغورلار آرزولاییریق.