گنج شاعر ««مهسا عبدالعلی‌زاده» ابدی‌لیک حیاتا گؤز یومدو
چوخ تاسفله «خییو»لو گنج شاعر «مهسا عبدالعلی‌زاده» گازدان زهرلنمه سببیندن بیر نئچه آی کمایا گیردیکدن سونرا فروردین آیی‌نین آلتینجی گونو ابدی‌لیک حیاتا گؤز یومموشدور. ۱۳۶۹نجی ایل دوغوملو مهسا خانیم ۱۳۹۰نجی ایلدن ادبیاتیمیزا خصوصیله ده شعر و داستان ژانرینا اوز گتیرن آذربایجان گنجلریندن ایدی. استعدادلی شاعرین اساس ادبی فعالیتی خییودا (مشگین‌ده) فعالیت گؤسترن «بولاق ادبی انجمنی» چرچیوه‌سینده اولموش، اثرلری داها آرتیق اینترنت صحیفه‌لرینده و الکترون درگیلرده یاییلمیشدیر.
«ایشیق» آذربایجان ادبیات و اینجه صنعت سایتی امکداشلاری آدیندان گنج شاعریمیز مهسا خانیم عبدالعلی‌زاده‌نین خاطیره‌سینی عزیزله‌یرک، اونون آجی ایتگیسینی آذربایجان ادبی جمعیتینه، «بولاق ادبی انجمنی»نین اداره هیاتی و عضولرینه و شاعرین حیات یولداشی شاهین مورادی جنابلارینا و مؤحترم عائله‌سینه تسلیت دئییریک؛ خاطیره‌سینه عشق اولسون!
«ایشیق» آذربایجان ادبیات و اینجه صنعت سایتی
۷ فروردین ۱۳۹۸
