«ایشیق» درگیسی‌نین بیرینجی نومره‌سی یاییلدی
«ایشیق»؛ آذربایجان تورکجه‌سینده ایکی آیلیق درگی‌نین بیرینجی نومره‌سی ۱۱۲ صحیفه‌ده یاییلدی.
روشن نوروزی‌نین باشچیلیغی‌ایله یاییلان «ایشیق» درگیسی آذربایجان تورکجه‌سینده و اجتماعی- مدنی موضوعلاریندادیر و میللی مقیاسدا یاییلیر.
درگی‌نین یازیچیلار کاتبی رامیز قلی‌نژاد(رامیز تای‌نور)دیر و سودابه زنوزی، علی دانشیان، روشن نوروزی و مسعود داوران اونونلا یازیچیلار هئیتینده امکداشلیق ائدیرلر.
عمومیتله گنج ژورنالیست‌لرین تشبثی‌ایله یاییلان بو درگی دیلیمیزی اوخوماقدا چتینلیک چکن و اونو دوزگون اوخوماق ایسته‌ین وطنداشلاریمیزا تئخنیکی بیر امکان دا یاراتمیشدیر. اودا درگی‌ده اولان بوتون یازیلارین سسلی اولماسی‌دیر. درگی تام بویالی و گلاسه کاغاذدا بوراخیلیر.
«ایشیق» درگیسینی شرقی آذربایجان، غربی آذربایجان، زنجان، اردبیل و تهران اوستانلاریندا فعالیت گؤسترن مطبوعات دکه‌لریندن و کیتاب ماغازالاریندان الده ائتمک مومکوندور. درگی‌نین قیمیتی ۱۰۰۰۰ تومن‌دیر و اونا هم تلفن واسیطه‌سیله، هم آنلاین صورتده آبونه اولماق اولار.
درگی‌نین عنوانی:
تهران، خیابان خردمند جنوبی، بن‌بست حقانی(پنجم)، پلاک ۱۲
تلفن: ۰۲۱۸۸۸۳۰۱۶۴
آنلاین ساتیش و آبونمان:
www.ishiq.ir
۰۹۳۷۹۹۹۹۶۳۷
یک پاسخ
سلام. بیر داها تبریک ائدیرم. دولغون وگؤزل نشر اولوبدو.اوغورلار.دیله ییرم.