اؤزوم تک
حکیمه بابا کشی‌زاده «نغمه»
دوروب گزه-گزه اؤلوملرده من
بیته‌جم دوزلرده دؤنوملرده من
گیزلین یاناجایام سؤنوملرده من
اوره‌ییمده گیزلین آغیر سؤزوم تک!
نازلایا-نازلایا سوراغلاسان دا
کؤکومدن قیرسان دا، اوراغلاسان دا
پیر-پیز احوالیمی داراغلاسان دا
گلمه‌رم اؤزومه داها اؤزوم تک!
ایته‌جم گؤزوندن اوزاغلار کیمی
آجیلاشیب چتین سیناغلار کیمی
یاشیلی سویونموش او باغلار کیمی
داشاجایام یادا آرتیق دؤزوم تک!
اولار قول-قانادیم داشدان دا آغیر
یئتیمله‌یر نغمه ساغیردان-ساغیر
سویوق اوره‌ییمه شاختا قار یاغیر
دونور رمکه‌ده کی دونان گؤزوم تک!
دوغرا دیلیم-دیلیم، کس بیچیم-بیچیم
قوی سئودانی سئچیم، زهَری ایچیم
یانیم آلوو-آلوو آلیشیم کئچیم
دؤنسون کوله دیلیم یانار کؤزوم تک!
