آراز قیراغیندا
بهروز صدیقی
آراز قیراغیندا بو گون بیر آغاج
صمد!صمد! دئیه آغلادی گؤردوم.
آستاجا من اؤپوب او یارپاقلاری
تیتره‌ین الیمله ساچلارین هؤردوم.
سوروشدوم آغاجدان نئچه یاشین وار؟
یارپاق‌لار تیتره‌دی «آراز»ا دوشدو.
بو هیجران کوله‌یی هارادان اسدی؟
بو ظالیم هارادان آرازا دوشدو؟
بیر دورنا قاطاری باشیمین اوستدن
آغلایا- آغلایا ساحیلی کئچدی.
دینله‌دیم سسینده ان حزین شعیر
سؤیله‌دی:صمدسیز بو ساحیل هئچدی.
