اودوزموش ماتادور
رقیه کبیری
وارلیغیم جانیمین أن_ بویوجادیر
زده‌لنمیش روحوم
روزگارین اؤنونده بایراق أندیریب
روزگار، اسپانیا بوغاسی‌دیر،
منسه اودوزموش بیر ماتادور
قیرمیزی دسمالیم بئله بوغانین بوینوزوندا قالیب.
آن گلیر
دونیانین بوتون ایستی سولاری جانیما جالانیر،
پؤرتوشورم
سونرا اوشویورم
شبنم آلینیمدا اوتورور.
قادینلیغیم
یائسه‌لی‌یین کؤلگه‌سینده گزیر.
روزگارا اودوزسام بئله
یئریمدن قالخمالییام.
یائسه‌لییی بوراخیب،
ذهنیمین باکیره‌لیینی قورومالییام…
مرداد ۱۳۹۵
