هردن…
مقصود تقی‌زاده هریس( نیسگیل)
هردن دنیز اولسان دا هئچ-
دالغالانیب آخماق اولمور.
دونیانین چیرکین اوزونه
اوز دؤنده‌ریب باخماق اولمور.
ثانیه‌لر قیفیللانیر
آدام قویویا توللانیر
اوستونه داغلار چوللانیر
داش آلتیندان چیخماق اولمور.
زامان کئچیر، کئچمیر آدام
آغ- قارانی سئچمیر آدام
بو دونیانی ایچ بینادان
آمان آللاه، ییخماق اولمور.
ایلیق- ایلیق یئللر اسیر
یارپاق دوشمه‌یه تله‌سیر
اؤلوم لاپ قاپینی کسیر
بیر دیسکینیب قورخماق اولمور!
۳۰/۴/۱۳۹۵ – هریس
