اورمو شاعری «محمود صادقپور» (شامی) عزیزلندی
خرداد آیینین سون گونو تانینمیش آذربایجان شاعری اورمولو «محمود صادقپور» (شامی)نین ادبی فعالیتیندن تجلیل مقصدیله غربی آذربایجانین ارشاد اداره‌سی طرفیندن اورمو شهرینده تدبیر کئچیریلدی. بو مراسیمده گؤرکملی شاعرین حیات و یارادیجیلیغی باره‌ده دانیشیقلار اولوب و اورمو شاعرلری او جومله‌دن: کریم گول‌اندام و اسماعیل مددی اولکر، «شامی» حاقیندا اؤز شعرلرینی اوخودولار. ۶۸ یاشلی شاعرین اثرلریندن «طبیعتین قوینوندا(۱۳۶۹) و «داشلی یول»(۱۳۸۴) عنوانلی ایکی شعر مجموعه‌سی ایندییه‌دک ایشیق اوزو گؤروبدور.
«ایشیق» سایتی امکداشلاری آدیندان حؤرمتلی شاعریمیزه جان ساغلیغی و داهادا یارادیجیلیق اوغورلاری آرزو ائدیریک.
«اروم نیوز»ون (uromnews.ir) تدبیردن یایدیغی شکیل‌لری «ایشیق» اوخوجولاریلا دا پایلاشیریق:
3 پاسخ
آذربایجانیمیزین آدلیم شاعیری محمود صاقپور(شامی) اورمیه نین امام رضا
آذربایجانیمیزین آدلیم شاعیری محمود صادقپور (شامی) اورمیه نین امام رضا مریضخاناسیندا بیرسوره آغیر خسته لیکدن سونرا دونیاسینی دییشیپ ابدیته قوووشدو. او بویوک صنعتگارین تشییع توره نی بو گون جوما آخشامی تیر آیینین ۱۰ی ساعات ۱۰-۱۱ آراسی اورمودا اوز ائوی قاباقیندان، دوستلاری و قلمداشلارینین حوضورویلا باشلاناجاقدیر . اولو تانریدان شاعیرین الاهی روحونا رحمتلر دیله ییپ حور متلی عاییله سینه باش ساغلیقی وئریریک. مازاری نورلا دولسون یاربیم .
گک
ایستردیم بیر قوجاق چیچه ییم اولا / سپم قامتینه گوزل شامی نین / ایلهام پری سینی اوچدوروپ گویه / قوشام تعریفینده غزل شامی نین …
یاشایسن بیزیم گورکمی شاعیریمیز