«یاشماق» کیتاب یایین گروهونون «ایشیق قیغیلجیم‌لاری» دیوارلیق تقویمی یاییلدی
یاشماق کیتاب یایین گروهونون دیوارلیق تقویمی، آذربایجانیمیزین چاغداش شعر زیروه‌سینین پادشاهلاری ساییلان شاعیرلرین تصویری و شعرلری ایله بیرگه، ۳۵ * ۵۰ سایزیندا، ایتالیانین فانتزی فابریانو کاغیذی ایله، ۵ واراقدا یایینلاندی.
بو دیوارلیق ایل سایاردا، شعریمیزین آدلیم شاعیرلری سیرا ایله، یاز: رضا براهنی / یای: بولود قاراچورلو. سهند / پاییز: حبیب ساهر / قیش: مرضیه اوسکویی، شعرلری و تصویرلری ایله نشره حاضیرلانمیشدیر.
تقویم بیر چوخ شهرلرین (زنگان-اردبیل- شرقی- غربی آذربایجان، تهران و قوم)ون تانینمیش کیتاب ساتیش مرکزلرینده ساتیشا قویولوب.
تقویمی حاضیرلایاندا، باشقا بیر آماجیمیز، ایل قوتاردیقدان سونرا، تقویمین گونلوک یئرلرینی کسیب گؤزل بیر پوستره چئوریلمه‌سی ایدی.
اصلینده، کاغیذین پرت اولوب ائشیگه تؤکولمه‌مه‌سی و و آنا طبیعته ضرریمیزین دیمه‌مه‌سی چالیشمامیزین بیرینجی هدفی ایدی…
بایرام گونلرینده آنا طبیعتی قورویوب ساخلاماق بیرینجی دغدغه‌میز اولسون…
بوتون گونلرینیز بایرام اولسون…
قوی بیزیم سیزه بایراملیغیمیز آذربایجان چاغداش شعرینین ذیروه‌سینده دایانان ایشیق قیغیلجیم‌لاری اولسون ….
یاشماق کیتاب یایین گروهو
