دوستلوق
میرموسی هاشمی
قایدادیر دونیادا دوست دوستو سئچر،
دوستلوغون باده‌سین اوره‌کدن ایچر،
سئوگی‌یله، ایناملا، سیناقدان کئچر،
اوره‌کلر گوزگو تک ایشیغین سالار
بئله بیر یولداشلیق ابدی قالار.
گلین بیر دوستلارا نظر سالاق بیز،
اعتبارسیزلاردان عبرت آلاق بیز،
حیاتدا دوستلوغا صادق قالاق بیز،
بونلاردی دوستلوغون ایلکین تملی
وفالی دوستلارین دوزگون عملی.
یئمک دوستو یئجک، بوراخیب گئده‌ر،
دیل دوستو دیل تؤکر، فورصتی گوده‌ر،
جان دوستو مرد اولار، جان فدا ائدر،
«میرموسا» اینانیب عؤمورونده بئله:
«جان دوستونو ساخلا، جان فدا ائله!»
2 پاسخ
میر موسی هاشمی جنابلارینین شعری وشکیلینی بو سایتدا گؤرمگ چوخ سئویندیریجی ایدی،اونون شرفلی آدی بیزیم عایله ده همیشه آغیر حورمته مالکدیر،هاردا اولسا،اؤزو و محترم عایله سینه محکم جان ساغلیغی آرزو ائدیریگ.رضاحصاری
یاشاسین سایین همیئرلیم چوخ گؤزل دئمسیز «جان دوستو مرد اولار، جان فدا ائدر» الریز آغریماسین