ای مقدس مسکنیم، ای شانلی آذربایجان!
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.
***
سئویملی یاریم هاردا
اورهییم قالیـب داردا
ائله گئتدی تلهسیـک
یوخوموش بو دیاردا
مارالیــــم گــؤزل بالا
آرزوم بودور چوخ قالا
خوش گوٍنلر قوجاغیندا
یاشایـیــــشدان داد آلا
من عآشیق گوٍلوٍستانا
یاراشیقلی بوستــانا
گزهیدیک سئوگیلیمله
چمنلرده مستــــانا
سئوگیلیم باغدا یاتـیب
گوللره آلقاج آتـیـــب
بنزهییر قیــــزیل گوٍله
او چیخیبدیر آی باتـیب
آغ قـــوشام قاناتسیـــزام
چاپارام مـــن آتسیـــزام
سئوگی ده آل- وئر اولوب
پولسوزام باراتسیــــــزام
عزیزیم یـارالـیـــیام
ائلیــــمدن آرالییـام
قوربت منی آزدیریب
بیلمیـــرم هارالیـیام
عزیزیم ساققال قویـــدوم
شیـطانـین گؤزوٍن اویدوم
ظاهیرده ناماز قـیــــلدیم
باطینده خلقی سویدوم
عزیزیم ظالیم گئتــدی
ملت انقلاب ائتــدی
یوخسوللار جان وئردیلر
وارلیلار کامه یـئتـــدی
